ການກຳນົດໃຊ້ປ້າຍໃຫ້ປະຕິບັດດັ່ງນີ້:

• ປ້າຍຂ້າມທາງຕ້ອງມີຂະໜາດບໍ່ເກີດ 100ຊມ ແລະ ທາງຍາວຕາມຄວາມເໝາະສົມກັບທາງກວ້າງ ແລະ ແຄບຂອງທາງ;
• ປ້າຍໂຄສະນາຂອງພັກ-ລັດ ແລະ ເອກະຊົນຢູ່ໃນເຂດຕົວເມືອງກຳນົດຂະໜາດໃຫຍ່ສຸດບໍ່ໃຫ້ເກີນ 400 x 800 ຊັງຕີແມັດ;
• ປ້າຍໂຄສະນາຂອງພັກ-ລັດ ແລະ ເອກະຊົນຢູ່ໃນເຂດຊານເມືອງ ຫຼື ນອກເມືອງອອກໄປກຳນົດຂະໜາດໃຫຍ່ສຸດບໍ່ໃຫ້ເກີນ 600 x 1200 ຊັງຕີແມັດ;
• ປ້າຍໜ້າຮ້ານ, ກຳນົດໃຫຍ່ສຸດບໍ່ໃຫ້ເກີນ 300 x 600 ຊັງຕີແມັດ;
• ປ້າຍຫ້ອຍເສົາໄຟກຳນົດໃຫຍ່ບໍ່ໃຫ້ເກີນ 60 x 150 ຊັງຕີແມັດ;
• ຂະໜາດປ້າຍວິສາຫະກິດ, ລັດວິສາຫະກິດ ແມ່ນໃຫ້ປະຕິບັດຕາມລະບຽບການສະເພາະຂອງຂະແໜງອຸດສາຫະກຳ ແລະ ການຄ້າ;
• ປ້າຍບົ່ງບອກຂອງອົງການຈັດຕັ້ງພັກ-ລັດ ທີ່ໄດ້ຮັບການອຸປະຖຳ ຈາກຫົວໜ່ວຍທຸລະກິດ ບໍ່ໃຫ້ນຳໃຊ້ເຄື່ອງໝາຍສິນຄ້າ (ໂລໂກ) ເຂົ້າໃນປ້າຍ;
• ປ້າຍສຶກສາອົບຮົມ ຂອງ ອົງການຈັດຕັ້ງ ພາກລັດ ທີ່ໄດ້ຮັບອຸປະຖຳຈາກຫົວໜ່ວຍທຸລະກິດທີ່ມີເຄື່ອງໝາຍການຄ້າ (ໂລໂກ) ໃຫ້ຢູ່ລຸ້ມເບື້ອງຊ້າຍ ຫຼື ຂວາຂອງປ້າຍ ມີຂະໜາດບໍ່ເກີນ 1/4 ຂອງເນື້ອໃນປ້າຍ;
• ສຳລັບຂະໜາດປ້າຍປະເພດ ໂຄສະນາສິນຄ້າ ແລະ ການບໍລິການ, ປ້າຍເຄື່ອນທີ່, ປ້າຍຕິດໃສ່ອາຄານ ແລະ ປ້າຍເອເລັກໂຕຣນິກ ແມ່ນອີງຕາມລະບຽບການ ຂອງ ຂະແໜງໂຍທາທິການ ແລະ ຂົນສົ່ງ.